Maxia: E máis volta atrás

Pois diciamos no anterior post que o verán é o que é: un inferno. E ainda é peor se ven como este mes de xullo, con estas temperaturas que fan do acto de cargar cos aparellos unha constante tortura. Isto non quere dicir que en anos pasados a cousa fora máis soportable, simplemente que en 2010 está sendo especialmente insoportable…

No 2008 produciuse un encontro no mundo da maxia que deu lugar a esta sinopse:

A acción xira en torno a dous magos novos, de orixes ben distintos, un deles galego, e o outro arxentino. Descobren que no fondo non teñen tantas diferenzas e que a súa gran paixón é a maxia, e compartila co público, transportándoo a unha nova realidade, onde non hai barreiras, onde non hai normas, onde todo toma un novo significado, onde non existe a palabra imposible. Neste espectáculo nada é o que parece e nada parece o que é. Para a súa creación usáronse as ideas qie en principio parecían máis absurdas e tolas e que en moitos casos non tiñan anda que ver coa maxia. Pero esa mestura, esa variedade de ideas e disciplinas son o que lle dan corpo e vida a esta nova creación.

O nome do espectáculo é Symbiosis, e os seus responsables, Dani Garcia e Marttyn Andersen, teceron unha fervenza de imaxineria escénica que tivo tamén apoio audiovisual máis alo da clásica promo. Dado que a sua aposta parte de proporcinar unha orixe ambulante (mesmo cun camión adaptado para cando non hai local que se adapte ás necesidades técnicas), pensaron na posibilidade de crear unha pequena intro que dera a posibilidade de acomodo ó público, tendo sempre en conta que algúns chegaran con retraso. De ahi xorde este vídeo, que ten outra versión de máis duración para cando intuian que era necesario darlle máis tempo ó respetable.

E comentaba o de “volta atras” e os horrores do verán porque isto foi unha grata experiencia estival…, na primaveira. A gravación realizouse durante varios días en Valdoviño, con bo tempo pero sen ter que sufrir calor extremo.  E sabiamos que logo tocaba o que tocaba, si, pero o ben que se estaba…

Publicación original: enimaXes

Compartir

Tags:

About Iago González

Director de Máscaras y responsable del departamento audiovisual de I.G.. Especialista en contar las realidades que son, y las que pueden ser, desde enimaXes.

No comments yet.

Leave a Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies