“El presente es una fina línea a través de la cual el pasado engulle al futuro” (Jorge Wagensberg)
Estrea este xoves 28 de nadal ás 19:00 h. no Teatro Rosalía de A Coruña
As cidades non son o seu pasado nin o seu futuro, son o seu presente: a realidade na que todo conflúe. Pero tamén son o marco onde o local e o global se (con)funden nunha enmarañada rede de voces en múltiples capas. Por iso non hai unha Historia… senón moitas, tantas como persoas que as habitan.
Nosa memoria é social porque…
Non hai construción humana na soidade.
As ideas e percepcións que temos nun tempo que denominamos “presente” non son senón mera referencia aos acontecementos e vivencias que tan só o dividen a modo de referencia.
O tempo é unha rede de niveis de narración que adoita incluír diferentes procesos entre persoas, e grupos, que conforman as dinámicas sociais.
Non hai oposición presente-pasado xa que as redes interpersoais, e os grupos, non desaparecen de súpeto.
A cidade son as persoas que as habitan, coas súas redes de emprendemento persoal, social, empresarial… Son todo aquilo que decidamos para seguir construíndo a Memoria do Futuro.
Publicación original: dMudanza
